| ~@~Water~@~'s profile╰☞ Water's space ☜╮PhotosBlogLists |  Tools  Help |
|
July 17 小记惠州博罗之行
9号下午，我同宿舍ge另外两条友仔去左傻飞屋企——俗称“菠萝”之家噶博罗县，去到噶第一感觉就系果度比较落后，而五金业同摩托运输业就比较发达。系果度，你系好难揾到一部的士或者公交车，相反，摩托车同人力三轮车就满街都系，而且D搭客仔全部都着晒制服甘，睇落去比广州噶更加正规同安全...时间过得超快，我系博罗不知不觉就逗留左5日4夜，玩得好开心，兼且俾我发掘到以下几个亮点：
亮点一：惠州西湖
如果用四个字形容，就系：超大超靓！望落去真系同杭州噶西湖有得挥吖，我地几个系果度仲租左只“四人踩船”去漫游，感觉真系好正哦～如果拍拖噶话去果度都系一个唔错噶选择！
亮点二：惠州数码街
超搞野，去到果度先发觉，原来惠州数码街并非卖数码也，而系卖服装也～佢何必要改名叫做数码街咧，我地个个都俾佢昆左，真系恶劣吖～
*亮点三：葫芦岭
早上八大点，我就同傻飞个妹（yoyo，今年高三毕业考到去广外美术系）出发去左葫芦岭喇，虽然佢无白云山甘靓仔甘有型，但系比我想象中好得多！而且好重要噶一点，就系今次有傻飞个妹陪我一齐，感觉好正，揾佢呢种类型噶女仔做女朋友的确系一个唔错噶选择哦，哈哈...真系不枉此行吖...^_^
亮点四：罗浮山
好可惜好可惜，由于诸多因素噶综合，我今次无去到罗浮山参观，不过听佢地讲，就算去到都无乜野好做，拜下神，许下愿，爬下山，就系甘！不过有机会噶话我以后都想去睇下噶，嘿嘿...
P.S:我地仲试左好多美食，有越南粉喇，上岛西餐厅噶牛扒，超正云吞，仲有就系傻飞屋企门前种噶黄皮树同龙眼树，真系想吃几多就有几多，正~~~
P.S 2：我好羡慕傻飞可以有个甘乖噶妹哦，入得厨房出得厅堂，又成日帮屋企人做呢样做果样，我觉得简直就系六星级噶服务喇，不过傻飞好似唔系好识珍惜，仲要成日对佢呼呼喝喝，哎，呢D可能就叫做身在福中不知福喇...我真系好想有个妹添...-_-！
July 06 ~Past+Now+future~前十几日——为期末考试而奋斗...衣家捻翻起都觉得恐怖，成日对住D文字同公式，搞到自己阴阳失调，更年期都提前左几日！噢，点算...
今日——实在系一个好值得庆祝噶日子，因为今日唔单止系期末考试噶结束，亦都系暑假噶开始，太兴奋喇，以后终于可以过番D正常人噶生活...虽然最后一科（材料力学）出乎我意料之外——比较有难度，做到我汗都标，但系整体感觉仲算可以，希望今次可以顺顺利利甘达到我噶目标——4.0喇，到时就可以请你地各位去白天鹅......隔离果间小卖部饮野喇，见者有份！嘿嘿...
暑假——今次噶暑假我安排得实在太充实喇，一方面就系去（麦当劳）做兼职赚钱，另一方面就系自己系屋企学野，学弹琴，学ProE，学煮餸，学好多好多野...希望自己可以做到而唔系得个讲字喇，哈哈...
P.S:大家暑假有咩节目记得call我喇，随call随到吖.......
June 04 整整一个月喇...好耐无上黎更新lu～
近排都发生左好多野......
其中印象最深刻ge就紧系果个ppt大赛同端午节吃棕喇～
系ppt大赛里面，入到决赛其实已经好唔简单噶，因为佢分初赛，复赛同决赛，我系里面的确花左唔少心机噶，不过好遗憾，系决赛中我只得个三等奖...后来我听果D人讲，其实我个ppt系技术含量最高噶，只不过可能内容稍为无甘吸引，所以就....加上fans又未够多，呢个系重点！哈哈.....
讲到端午节吃棕咯喔，一个字：佩服！因为我吃ge棕唔系一般ge棕，佢系我地班ge鸿仔一个人亲手整俾我地班D人吃，系出面绝对无得买架～D棕仲要系十万分好味，吃到个个都话唔够喉～鸿仔果然称得上系“一级棕王”啊~哈哈......
仲有两个good news：首先就系我之前报ge全国计算机等级考试（二级C语言）顺利通过左喇，虽然拿唔到优秀，不过总算ok喇，唔洗等我暑假再投身落去；其次就系党课终于可以结业喇，唔洗再俾佢剥夺我星期五六ge宝贵时间，又可以过番D好free噶日子咯，哈哈....
May 07 ~深深感触ge一餐茶~<补记五一> (2006.5.4) 今日同D亲戚去左"一品粥"饮早茶，倾下倾下就讲起左我大佬——何毅锋，同埋七百爷身边ge几位好成功ge后生仔～
听佢地讲，我大佬已经系商业界闯出一片属于自己ge天地，佢系自己开广告公司ge，最近仲做左可口可乐公司广告ge总代理，好犀利...佢衣家唔单止开Benz，仲住洋楼，同佢老婆（唔知咩银行ge副行长）过住幸福生活...听讲佢衣家ge身家起码有四百万，哇～（超震惊-_-！），一个字：劲！ 另外，虽然佢系一个比较孤寒ge人，凡事同你计到清清楚楚，不过佢有一点，系好多人都无法比拟ge，就系佢ge经商头脑同埋佢果份胆量，佢为左一个项目，可以奋身去争取，就算系向银行贷款几百万，都不顾一切去搏，去冲，呢份敢于去搏去冲ge胆量我捻无几个可以做到！就系甘样，佢由自己开ge一间小公司发展成衣家规模相当ge大公司，真系好成功，何家每个人对佢都有好高评价，话佢系一个叻仔，好掂～ 呢一刻，我感到...首先就系自己可以有个甘叻ge大佬，感到好自豪，觉得何家终于可以发扬光大了，不过甘样就无疑中俾左我好大压力，担心自己以后ge出路，担心以后自己ge前途，担心以后可唔可以好似佢甘成功，担心可唔可以将何家继续发扬广大，担心......无数ge担心，超多ge顾虑...我呢一刻感觉到自己ge压力好大，好似俾左一个好重ge负担我！我唔知以后究竟会点，更加唔知将来自己ge就业会系点样ge情况！不过有一点我知道，就系佢地个个都对我期望好大，特别系老豆同阿妈，我知你地都好想我将来能够揾到一份好工...所以，我一定要努力，努力...我唔会辜负你地，我要用自己ge实际行动去报答你地，同时我要证明俾每个人睇，我都系掂噶！！ 为左自己，为左屋企人，我要努力，我要try my utmost... April 21 ~~收获的季节提前到啦~~最近呢几个星期，我发觉自己付出左好多，亦都改变左唔少~
以前成日打魔兽ge我衣家可以忍住唔打～
以前成日无所事事ge我衣家变得好忙好忙～
以前毫无奋斗目标ge我亦都定下左大学四年ge奋斗目标～
...........
讲到收获喔，呢几个星期的确“收”左唔少～
除左可以顺利通过二级C语言ge考试（虽然未出成绩，不过对自己充满信心～^_^），仲可以取得ISO9001：2000内审员ge认证、顺利踏上入党ge道路、荣获校级“优秀团员”同埋“优秀班干部”称号......
睇到自己系甘短时间里面可以“丰收”，真系好有满足感同自豪感~thank goodness~今次果然无白费到我付出ge一切～继续努力～坚信“阳光总在风雨后”......
^_^希望下一次收获ge季节可以系“四级”后啦.....奋斗ing......
April 11 **超感人日剧**......One Litre of Tears...... <一升的眼泪>
背景介绍 这是一个在日本感动了成千上万人的真实故事。
Very moving~ I have shed tears for many times!!! （~强烈推荐吖～)
歌词大意： only human 演唱：Water 悲しみの向こう岸に 微笑があると言うよ 听说在那悲伤的彼岸 有着微笑的存在 たどり着くその先には 何が僕らを待ってる？ 究竟好不容易到达的前方 有什么在等着我 逃げるためじゃなく 夢追うために 不是为了逃避 而是为了追寻梦想 旅に出たはずさ 遠い夏のあの日 旅行已然开始 在那遥远夏天的那一日 明日さえ見えたなら ため息もうないけど 如果连明天都能看见 那么也便不会再叹息 流れに逆らう舟のように 如同逆水行舟一般 今は 前へ進め 如今正朝着前方前进 悲しみの尽きた場所に 幸せが待つというよ 听说悲伤的尽头 有幸福在等待 僕はまだ探している 季節はずれの向日葵 我依然在寻找 那四季尽开的向日葵 こぶし握り締め 朝日を待ってば 紧紧握住双拳 等待朝阳的升起 赤い爪あとに 涙 キラリ 落ちる 沿着红色的指痕 泪水闪动而下 孤独にも慣れたなら 月明かり頼りに 若是已习惯与孤独 就沐浴在月光中吧 羽根なき翼で飛び立とう 挥动已无羽毛的翅膀起飞 もっと 前へ進め 向着更前方前进 雨雲が切れたなら 濡れた道 輝く 当雨云消散 湿润的道路闪出光辉 闇だけが教えてくれる 在黑暗的指引下 強い 強い 光 向着强烈的光芒 強い 前へ進め 坚定的前行 April 03 终于得闲更新lu～ 二级C语言ge考试终于告一段落lu～捻翻起考试前果几日，真系晚晚挑灯挑到深夜，好辛苦吖～不过上天都对我不薄，机试ge时候俾我抽到自己识ge题，总算无白费我呢几日付出ge一点一滴啦～呵呵...衣家我终于可以放低第一粒心头大石lu～
 不过话甘快英语四级考试就黎啦...我身边噶Friend（除左华农外）个个都系度准备六级，而我仲系度筹备四级～哎～点解华农乜野都慢人一步架？唔通华农无得饮“红牛”？？～
 不过点都好，一定要俾心机去准备，唔可以令各位相亲父老跌眼镜噶～^_^～ March 21 最近＝忙×2＋攰×3 呢排真系好多野搞吖....
二级C语言ge复习＋四级英语ge准备功夫＋篮球比赛（专业赛＋宿舍杯）＋整理上学期成班ge成绩＋入党考试＋上党课＋超难ge电工学＋深奥ge材料学＋团日活动＋形势教育＋筹划AutoCAD比赛＋班内ge事务.....
究竟甘样ge大学生活会晤会太过于充实呢？？
有时真系好想放低晒所有野等自己好好抖番下，但系有D野（such as二级C考试）都已经火烧眼眉了，我唔可以再停留一步....
Ai，甘就唯有撑落去啦，不过我希望所有野都可以顺顺利利甘pass，唔好白费我ge心机啦.....
March 15 大一到大四ge变化^_^走路定律：大一是走在人行道上的； 大二是走在马路边上的； 大三是走在马路中央的； 大四是走在马路逆行线上的。
眼神定律（看MM的）：大一是害羞的； 大二是直直的； 大三是淫荡的； 大四是还要跑回去看的。
报到定律： 大一是提前几天到的； 大二是准时到的； 大三是迟几天到的； 大四是不去注册的。
大学四动（追MM的）：大一按兵不动； 大二蠢蠢欲动； 大三全面出动； 大四个个反动。 大学四草：大一兔子不吃窝边草； 大二好马不吃回头草； 大三疾风知劲草； 大四天涯何处无芳草。 女生定律 ：大一女生娇； 大二女生俏； 大三女生满街跑； 大四女生没人要。
另：大一女生是芒果（好看不好吃） 大二女生是苹果（好看又好吃） 大三女生是凤梨（好吃不好看） 大四女生是番茄（自以为还是个水果呢……）
上课定律 ：大一："你怎么迟到了？" 大二："你今天怎么没上课？" 大三："你上课去吗？" 大四："你怎么上课去了？" 考试定律 ：大一：什么!明天要考微积分！？ 大二：什么!等下要考微积分！？ 大三：什么!刚刚考的是微积分！？ 大四：什么！微积分什么时候考的！？ 思想定律 ： 大一：理想主义 大二：浪漫主义 大三：现实主义 大四：批判现实主义 好搞野啊....... .....March 12 >>Cherish...<<点解每次
总系带有少少伤感
少少忏悔
唔通我真系做错左
定系我唔识珍惜
Sorry...
I swear:我唔会再有下次噶,I won't make you sad and worried again!!!
March 04 被人点名添.....
February 28 ^^女生节^^华农大工程学院2006年度女生节就快开锣啦.....
呢种节日只有系女仔“干枯”ge学院或者学校（如广工）先会有，所以唔系个个女仔都可以享受得到架！听讲节目都几丰富下，有整蛋糕比赛，越野寻标....不过有D游戏参加ge前提系“有一名女生”....甘就弊啦，我地班全部都系男士，何来女仔呢？甘姐系要我地揾外援姐～
我系度捻紧：几时先会搞番个男生节呢？到时就...呵呵....
边个有兴趣想玩下ge快D联系我啦，举行时间系3.11星期六啊，得闲ge话就黎揾我啦~~  February 23 By Christ....上帝希望我们在遇到有缘人之前
遭遇若干无缘之人
为的是让我们遇上自己的另一半时
懂得心存感激
然而在此之中
有人找到了
有人以为找到了
有人错过了
有人以为错过了
...... February 20 大件事啦.....华农有人跳楼身亡！！！
据我所知，今次系华农建校以黎ge第一次有人跳楼身亡....
 果阵时我地上紧英语课 ，一个老师突然系门口入黎话发生左大单野，要立即点名！经了解，原来系有一个男学生系今朝八点几左右在实验楼跳楼身亡！现场气氛相当紧张，仲有好多police系度封锁现场，听讲死者ge身份同死因都未确定，好恐怖吖~~~
On my opinion:大学生跳楼无非就系一下原因之一：1.为情自杀；2.学业失败，自认为到达穷途末路；3.故步自封的大学教育；4.不完善的大学生就业制度；5.压力导致精神抑郁；6.就读时的经济压力；7.冷漠的社会文化氛围；8.厌世，自杀的诱惑；9.心理承受能力的脆弱；10.以上几样都兼备。
甘又何必呢...跳楼ge人有死的勇气，点解就无活的勇气？唔通条命真系甘贱？
唔知大家又系点睇呢D野ge呢？..... February 18 不眠夜~~狂欢之夜~~
打麻雀...
琴晚我ge大学同学黎左我屋企，甘我屋企唯一可以俾佢地消遣ge就紧系打麻雀啦..原来个个都系雀圣，不过各处乡村各处例，个个人ge玩法都唔同，所以经过好耐时间先磨合得到！
我就无落到场，因为有六只“脚”黎左，所以我就同另外果个系隔离买马，点知....哈哈...俾我赢左四十几蚊，系全场赢得最多果个！^_^原来我先系雀圣....ge后代！
Have Supper...
白兰地酒＋美味佳肴=饱饱！
去歌哥唱K直落...
我地打麻雀打到十一点半，跟住就打的去左上下九果间歌哥，好便啊（凌晨一点后18蚊个钟）~~
Tips：系果度吃Buffet系完全免费噶....虽然唔系好多品种，不过足以顶住个肚啦！果层仲有一个酒吧，里面ge音响效果超正，超重低音，又有人系果度跳舞，真系high到你唔信吖~~~
Conclusion：过瘾＋High＋正＋累~
February 16 BODY CHECK???恐怖ge体检...
今日系华农大一年一度ge体检节日... 原本要检查ge十几个项目缩减为三个——抽血＋X光＋男内科 其中抽血环节系最为恐怖ge！！！  我个F去到抽血果阵，个医生一插...支针落去，等左一阵... 无血出？？跟住个医生大力甘抽个针桶上面...仲唔得？？ 跟住个医生好凶狠甘“拔”支针出黎，哗，点知D血好似喷泉甘溅射出黎... 旁观ge人都吓到晕左！... 跟住个医生系不懈ge态度下又插落去...噢，终于抽到血咯... 不过当事人就吓到面都青埋...  February 13 ^^2006动漫嘉年华^^动漫展览&Cosplay...
2.12——我怀住期待与兴奋噶心情黎到左青年文化宫参加动漫嘉年华噶活动，里面真系人山人海咯，而且型男索女“尽收眼底”^_^...系一楼，主要系D动漫社摆档口卖野，就好似花市甘，不过生意就紧系淡薄得多啦，睇ge人系买野ge人的n倍...
 行到二楼，居然俾我地发现经过乔装打扮ge高中同学——赵卉同阿菌，哗！真系差D唔认得佢地吖...佢地果然系“美指”出身，扮到好鬼型又好鬼索！甘我地就紧系唔放过佢地啦——捉住佢地系甘影相，仲有几张合照添...
 最精彩ge可以话系三楼ge露天cosplay啦，今次主要系LOLITA（萝莉塔）ge扮演大赛，晤错吖!有几个靓女真系谋杀左我地晤少“菲林”吖...不过我觉得今次都无上次系锦汉展览馆cos得甘正，记得上次真系影到部数码相机都无电噶...
P.S:下次有机会真系想亲身去cos一番，扮演咩都好啦，最紧要型嘛~~~哈哈....
February 09 野外实弹战争...华南植物园之野外“实弹”对战篇
今朝一大早，成班人长途跋涉，翻山越岭，好唔容易甘黎到左华南植物园...
入到去，发觉里面ge景色并无想象中甘迷人，特别系果两个湖，里面ge水呈现金黄色，真系大煞风景...几经波折，我地黎到左野战俱乐部，费用系每人五十蚊，包括服装、防护物品、枪支以及20发子弹。经介绍，野战场地设有五个"战区"：蕉林战区、站壕战区、木屋战区、竹林战区及砖屋战区，不过实际上系无甘多ge，厄称!
 整装待发后，我地黎到左野战场地，预先我地分为两队，系一声令下，我地奋不顾身，系甘冲吖...杀吖...由于D枪好cheap，我果支D子弹射出黎后系做平抛运动，搞到我呢个神枪手剩系射“死”左两条友，其中一个（费事讲出咩名啦...）可能身中差晤多十枪，搞到成身都系红色ge“血”，一日都系样衰累事啦^_^...好快好快，D子弹就射完啦，不过大家都已经筋疲力尽，满头大汗，真系好似经历左一场大战甘...
 好好彩，我一枪都无中过，体验晤到身中枪ge滋味...其中一位身中两枪ge战友话都几痛下，可能中枪ge位置已经“淤”左一块（应该系吹啊姐，有无甘夸吖~~~??）
P.S:D子弹好贵吖，一发1.5蚊，充左十发一阵就无晒，如果五毫子一发就差晤多，搞到大家唔够尽兴~~~
P.S2:着上军服，拿住步枪，发觉自己原来都几型吖...^_^...不过好遗憾，无人带到数码相机去，搞到无得用photo来留下美好ge回忆，晒晒啦~~~ February 06 民生无小事，今日多关注...今日发生左三件“大”事：
事件一：
蓝老师ge老公“强逼”我地饮大量白米酒...
一时庆起，今日我跟住高中一班ge大佬大姐们黎到蓝老师屋企拜年...一入门口，蓝老师就笑口西西甘望住我地成班人，而对住我、捞桓同废人锋仲带有惊讶ge表情（因为甘多年黎我地系第一次去，老师觉得我地变化好大...），而我地最兴奋ge就紧系收到一封利是啦，虽然“内涵”晤多，但系都表示蓝老师绝无大细超，人人平等......
系我地坐落无耐，蓝老师ge老公就问我地饮唔饮酒，系我地都未答复佢ge时候...佢已经递上四杯装住白米酒ge杯俾我地，无奈...话晒我地都系好少饮米酒ge人，所以晤系好中意果D味道，加上酒精度好高,搞到捞桓同废人锋面泛“红光”...饮完一杯又一杯...真顶唔顺吖.......
事件二：
阿婆竟然以为我系个贼...
去到北京路之后，我地先去左up tower睇野，系我地行入门口果阵，捞桓问我有无见到个阿婆，我都唔知发生咩事甘紧系唔知啦，跟住佢同我讲话岩岩我同个阿婆擦肩而过，个阿婆即刻按住个背袋，方失失甘走开左，以为我系个贼想偷佢野...oh,咩势道啊，我系个贼？？我点睇都唔似个贼啦嘛...个阿婆都痴线噶，洗鬼甘紧张啊，虽然广州市好多贼，但系你都要睇啊碰到ge系咩人先得架...睇黎我又要改变造型啦，哈哈.......
事件三：
系S&K里面有人误当我系个seller...
饮完甘多白米酒个人就紧系傻啊傻啊甘...所以搞到系去北京路ge路上我地都好眼训，甘跟住我地入左S&K专卖店睇野啦，点知当我企系度无耐果阵，有位小姐拿住件衫问我价钱喔...^_^！...鬼知咩...甘我米摇摇头就走开左咯！过后发觉自己好蠢，早知就同佢讲话果件衫十几蚊，等佢开心一场都好，唉，蠢啊...哈哈... February 04 ^^发现新大陆^^今日整左个好过瘾ge涂鸦板吖.....
唔使msn passport都可以画画架
无论你有无做美术家ge天份，都可以系度一展你涂鸦ge天份
大家试下啦！
(就系相册上面果个“涂鸦天地之留言板”吖)  |
|
|
